Ish-ambasadori amerikan në Tiranë, Aleksandër Arvizu ka deklaruar se është ne dijeni për zhvillimet e fundit politike në Shqipëri. Në një intervistë për gazetarin Alfred Lela të publikuar në “Politiko.al”, Arvizu deklaroi se deputetët gëzojnë një lloj “imuniteti” sipas Kushtetutës dhe ligjeve të Shqipërisë, për arsye të ndryshme, por ai theksoi se ky imunitet nuk duhet të jetë mburojë nga hetimet, nëse ka prova të besueshme për aktivitet kriminal. Ish-ambasadori deklaroi se Ambasada Amerikane kishte një raport shumë të afërt dhe bashkëpunues me Saimir Tahirin kur ai ishte Ministër i Brendshëm.
Arvizu tha se ka lexuar akuzat që janë bërë ndaj Tahirit dhe se ato janë serioze, por ai shprehet se nuk e di se çfarë është e vërtetë dhe çfarë jo. Nëse ka bërë diçka të gabuar, dhe kjo mund të provohet në gjykatë, atëherë ai patjetër që duhet të përballet me pasojat.
Arvizu: Ambasada Amerikane kishte një raport shumë të afërt dhe bashkëpunues me Saimir Tahirin kur ai ishte Ministër i Brendshëm. Dhe jo vetëm me të, por edhe me zyrtarë të tjerë të lartë të asaj ministrie, përfshirë Elona Gjebrenë dhe Genc Gjonçajn. Dhe, sigurisht, të gjithë strukturën e Policisë së Shtetit. Bashkëpunimi ishte i shkallës së parë.
I kam lexuar disa prej akuzave kundër tij dhe ato janë serioze. Dhe nuk e di se çfarë është e vërtetë dhe çfarë jo. Nëse ka bërë diçka të gabuar, dhe kjo mund të provohet në gjykatë, atëherë ai patjetër që duhet të përballet me pasojat. Por, siç e thashë, nuk e di nëse ai është fajtor.
Deputetët gëzojnë imunitet sipas Kushtetutës dhe ligjeve të Shqipërisë, për arsye të ndryshme. Por imuniteti nuk duhet të jetë mburojë nga hetimet, nëse ka prova të besueshme për aktivitet kriminal.
