Donato Di Campli, ish-agjenti i Marco Verrattit është rikthyer të flasë sërish për mënyrën se si Mino Raiola e nxori jashtë loje dhe i mori lojtarin në menaxhim. Në forumin e organizuar nga “Tuttosport” ai ka diskutuar rreth asaj ngjarje të shëmtuar që kishte përjetuar tek PSG.
Ai ka pohuar se me PSG-në e ka përjetuar përvojën më negative në jetë, ku Verratti i prishi marrëdhëniet me Di Camplin dhe e emëroi për agjent Mino Raiolan. Tani, Di Campli thotë se Verratti nuk ekziston më për të. Ai beson se në botën e futbollit nuk ka sinqeritet dhe mirënjohje.
“Me PSG-n e kam përjetuar përvojën më negative në jetë. Në futboll nuk ka sinqeritet dhe mirënjohje. Kam pasur mundësinë për ta parë këtë gjë. Kur mendoj për të gjitha gjërat që kanë ndodhur, është çmenduri. Problemi që kisha unë ishte se nuk po luftoja vetëm kundër një klubi, por kundër një shteti të tërë. Në fund me hodhën sikur një kokërr të rërës”, ka thënë ai.
