BBC-ja raporton sot për një marifet të iranianëve që jetojnë në Hollandë i cili rezulton i dobishëm për të përfituar azilin në këtë vend: konvertimin në kristianizëm.
Sipas medies në fjalë janë mijëra ata që po ndjekin këtë rrugë, ndonëse në Iran lënia e besimit islam dënohet me vdekje.
Më herët është folur edhe për sirianët që ndjekin këtë rrugë, ndërkohë që problemi po bëhet shumë I komplikuar.
Nga kronika kuptohet se zyrtaët e emigracionit por edhe njerëzit e fesë e kanë kuptuar se pas pagëzimit fshihet një lojë për të përfituar diçka dhe se kjo dredhi mund të sjellë që personat që vërtet kanë probleme të mos merren seriozisht.
Ka edhe diçka tjetër: pastori Gijs Van Den Brink deklaron për BBC-në se “kisha po vdes në Europë dhe në Hollandë po ashtu”.
Sipas tij çdo javë dy kisha tradicionale mbyllen në Holandë, një vend ku vetëm mosha e madhe vijon me traditën.
