Irani i vjen në ndihmë Katarit, duke i dërguar pesë aeroplanë me ushqime, në kushtet e të qenit i izoluar prej një jave, nga shtetet fqinje.
Një numër kombesh, duke përfshirë rivalin kryesore të Iranit, Arabinë Saudite, javën e kaluar ndërprenë lidhjet me Katarin, duke e akuzuar atë për financimin e terrorizmit, akuzat të cilat ai mohon.
Kufiri i tokës me Arabinë Saudite, përmes së cilës vjen 40% e ushqimit të Katarit, është mbyllur.
Një zëdhënës i “Iran Air”, Shahrokh Noushabadi, i tha agjencisë së lajmeve AFP-së yë djelën se “Deri më tani pesë aeroplanë që mbanin artikuj ushqimor si fruta dhe perimet janë dërguar në Katar, ku secili mbante rreth 90 ton ngarkesë, ndërsa një tjetër Aeroplan do të dërgohet sot.”
Sakaq, është e paqartë nëse ushqimi është një shpërndarje e ndihmës ose një transaksion tregtar.
Edhe Turqia ka shprehur mbështetjen e saj të plotë për Katarin, duke ofruar furnizime ushqimore si dhe duke ratifikuar dy marrëveshje për vendosjen e trupave në Katar dhe trajnimin e forcave të xhandarmërisë së vendit të Gjirit.
Të hënën, pesë vende arabe – Arabia Saudite, Egjipti, Emiratet e Bashkuara Arabe, Bahreini dhe Jemen – prenë lidhjet me Katarin, duke akuzuar Dohën për mbështetjen e terrorizmit./Tirana Today/
