Trajneri i Lazios ka vlerësuar kundërshtarin në disfatën e pësuar ndaj Interit, ndërsa nuk është kursyer as me kritika.
Simone Inzaghi u fokusua sidomos tek portieri shqiptar, Tomas Strakosha, i cili pësoi 3 gola në ndeshjen e Serisë A kundër Interit.
“Në këto ndeshje nuk mund t’i lejojmë vetes që të pësojmë gola si ai i pari që shënoi Interi. Nuk kujtoj dot asnjë pritje të Strakoshës në këtë ndeshje, por kujtoj shumë nga Handanovic. Interi gjithsesi e meritoi fitoren dhe nuk duhet të kërkojmë justifikime”, deklaroi Inzaghi.
Më tej, ai tha se loja e dobët erdhi si pasojë e energjive të mëdha të shpenzuara në Europa League kundër Marseille. Ai tha gjithashtu se mesfushori i përfaqësueses së Kosovës, Valon Berisha, vazhdon të ketë probleme me dëmtimet dhe ndoshta nuk do të rekuperohet për ndeshjen e fundjavës.
