Interi po tregohet mjaft aktiv në këtë merkato janari, duke parë që kërkesat e Spallettit ishin të qarta. Kur Lisandro Lopez pritet të zbarkojë në Milano në ditët e ardhshme, zikaltërit po punojnë për të sjellë edhe Rafinhan nga Barcelona.
Mediat në Italia raportojnë se mes klubeve ka një akord në parim, por disa bonuse po shtyjnë zyrtarizimin e marrëveshjes. Klubi katalanas ka pranuar ta huazojë brazilianin te zikaltërit deri në fund të sezonit, por ajo që pengon është shumë që drejtuesit kërkojnë në përfundim për 24-vjeçarin.
Oferta e Interit është 20 milion euro, por katalanasit shpresojnë që të vjelin dicka më shumë. Sipas “Sky Sport”, pavarësisht këtyre detajeve, marrëveshja do të arrihet pasi italianët do të shtojnë disa bonuse në kontratë për t’ia vënë në dispozicion Spalletti-t brazilianin. Një detaj që tregon se Rafinha do t’i bashkohet shpejt skuadrës italiane është se trajneri i Barças, Valverde ka vendosur ta lërë brazilianin jashtë grumbullimit për ndeshjen ndaj Real Sociedad.
