Interi nuk ka arritur të marrë në shumë se një barazim në një “San Siro” të tejmbushur përballë Torinos. Një rekord tifozësh ka pasur Interi këtë vit në stadium, ku në ndeshjen e sotme numëroheshin mbi 70 mijë. 1-1 ka përfunduar ndeshja me Torinon, ku zikaltërit arritët të reagonin pasi e gjetën vetën në disavantazh nga ai gol i Faque. Janë dashur 20 minuta që djemtë e Spalletit të reagonin dhe të gjenin golin e barazimit me anë të Eder. Kur kishte dhe 10’ minuta lojë ende, zikaltërit kanë provuar të fitojnë ndeshjen, por traversa e ndal Vecinon që të festojë.
Me këtë barazim Inter mbetet në vendin e dytë me 30 pikë, por duke pritur rezultatet e ndeshjeve të tjera që do të zhvillohen, ku rrezikon të lihet pas në tabelë nga Juventus dhe Lazio. Torino me këtë barazim shkon në 17 pikë ne vendin e 8. Për Interin festa e vetme në këtë ndeshje ishte për autorin e golit Eder, i cili shënon pasi kishte rinovuar kontratën deri në vitin 2021.
