Pasi Suning mori drejtimin e Interit, ekipi ka marrë formë dhe ka rikthyer shpresën tek tifozët se shumë shpejt mund të konkurrojë denjësisht në Champions League. Sezoni i fundit ishte mjaft i mirë nën drejtimin e Luciano Spallettit dhe afrimet e bujshme që bëri këtë verë, si Nainggolan dhe De Vrij kanë rritur interesin e tifozëve për tu rikthyer në stadium.
Kur sezoni do edhe një muaj të fillojë nga zyrat e Interit raportohet se numri i abonimeve në “San Siro” ka kaluar 35 mijë. Rikthimi në Champions Ligë sigurisht që ka një peshë të madhe në këtë efekt. Interi do të luajë ndeshjen e dytë të kampionatit në shtëpi, atë ndaj Torinos në 26 gusht. Shifra të tilla Interi i ka parë vetëm në vitin e tripletës kur abonimet kaluan 40 mijë.
