Interi i vitit 2010 është një ndër skuadrat më të forta në historinë e zikaltëve, e cila arrit të vendosë një rekord në Itali. Me Mouirinhon si trajner, ata arritën të fitonin tre trofe brenda një sezoni (Titull, Champions dhe Kupë Italie).
Kur ekipi ishte i kompletuar dhe po dominonte në Serie A, zikaltërve u mungonte edhe një lojtarë për të bërë bujë edhe në kompeticionet europiane. Çelësi i suksesit erdhi në ditët e fundit të merkatos, përpara derbit Milan-Inter dhe ai quhej Wesley Sneijder, i cili erdhi nga Real Madrid.
Një histori dhe një anekdotë që është zbuluar nga vetë Massimo Moratti, ish-presidenti i Interit. Ishte vera e vitit 2009 dhe Massimo Moratti ndodhej me pushime në Forte dei Marmi (Itali). Një tifoz zikaltër, që punonte si barist në një nga lokalet e bukura të zonës, i afrohet dhe i thotë: “President, kemi ndërtuar një ekip të fortë, por mungon një futbollist, ai që do t’i japë shpejtësi manovrave të sulmit nga mesfusha e tej. Më dëgjoni mua, Sneijder është ideali. Fitojmë gjithçka”.
Moratti do të kujtojë… “Nisa kështu tratativën. Por, fillimisht i telefonova Brancas (ish-drejtori sportiv) duke i thënë se çfarë mendonte Mourinho. Më mori pas 5 minutash dhe më tha: “Mourinho bëri… “eh sikur të vinte!”. Reali nuk pengoi këtë tratativë dhe dha “ok”, u mbyll gjithçka brenda pak ditësh. Atë barist nuk e pashë më kurrë, por dua ta falënderoj”.
