Interi ka kaluar me sukses edhe provën e radhës që mbante emrin Cagliari. Zikaltërit kanë triumfuar në “Sardegnia Arena” me rezultatin 1-, falë një dygolëshi të kapitenit, njëkohësisht dhe bomberit të ekipit Icardit dhe një nga kroati Brozovic. Ka qenë një ndeshje mjaft e vështirë për djemtë e Spalletit, pasi Cagliari e nisi me një intensitet mjaft të lartë lojën dhe iu afrua disa herë golit. Por Handanovic ishte i vëmendshëm dhe realizoi disa pritje mjaft të mira. Ndërsa milanezët qëndronin të tërhequr dhe prisnin momentin e ndonjë kundërsulmi për të ndëshkuar.
Dhe pikërisht në momentin më të mirë që po kalonin vendasit, është Candreva që merr një top në krah dhe e hedh në zonë, aty gjendet Perisiç dhe e kthen në zonën e Icardit i cili e mjaft tël ehtë për të shënuar. Ishte minuta e 29’ dhe Interi kalon në avantazh ndaj Cagliarit, rezultat që do të qëndrojë deri në fundi e pjesës së parë.
Pjesa e dytë fillon në të njëjtat ritme, ku zikaltërit qëndrojnë të tërhequr dhe përpiqen të mbrohen sa më mirë. Candreva merr krahun në të 55’-ën dhe futet në zonë, aty pason për Brozovic, ky i fundit i sapo inkuadruar në lojë, godet shumë fort dhe topi përfundon në rrjetë.
Në të 71’ minutë një harkim nga e djathta gjen në hyrje të zonës të pambuluar Pavelottin, i cili godet fluturimthi dhe shkurton diferencën në 2-1. Por 7’ minuta nga fundi i takimit është sërish Icardi që gjen rrugën e rrjetës, pas një largimi jo të saktë të portierit Rafael. Icardi i fendur në zonë godet me qetësi pasi ishte i vetëm dhe gjen golin e dytë personal dhe të tretin për Interin.
Interi momentalisht ka marrë vendin e parë në Serie A me një pikë më shumë se Napoli i cili ka një ndeshje më pak. Po ashtu edhe Icardi ka arritur 14 numrin e golave të shënuar këtë sezon duke barazuar Immobilen që kryesonte i vetëm deri në këtë moment.
