Janë publikuar formacionet zyrtare se si do të zbresin në fushë dy gjigandët e futbollit Italian, në derbin Inter-Milan.
Spalleti do ta startojë sfidën me një formacion 4-2-3-1, duke vendosur Gagliardinin pas shpinës së Icardit dhe duke lënë në stol Joao Marion. Në portë do të jetë i padiskutueshmi Handanoviç, para tij do të jetë dyshja Miranda-Skrinar. Në të majtë është zgjedhur Nagatomo dhe në të djathtë Dambrosio. Para mbrojtjes do të jetë Valero dhe Vecino, ndërsa nga krahët si gjithmonë Perisic dhe Candreva. Maja e sulmit do ti përkasë Icardit njëherësh dhe kapiten i Interit.
Montella nga ana tjetër zgjedh një 3-5-2 për tu përballur me Interin në këtë derby. Porta do të mbrohet nga Donnarumma dhe para tij do të qëndrojë treshja Romagnioli-Bonucci-Musacchio, ndërsa para mbrojtjes do të jetë i vendosur Lucas Biglia. Mesfusha do të plotësohet nga Kessie dhe Bonaventura pak më të avancuar, ndërsa nga krahët do të lozin Rodriguez dhe Borini. Sulmi do të jetë i përbërë nga portugezi Andre Silva dhe Suso.
