Prej disa kohësh janë shtuar zërat të cilët e shohin Lautaro Martinez pranë Barcelonës. Futbollisti dhe menaxheri i tij nuk e kanë mohuar asnjëherë kënaqësinë për katalanasit, ndërsa në favor të transferimit është edhe Lionel Messi, i cili është i bindur se lojtari zikaltër do t’i përshtatej më së miri atij në repartin ofensiv.
Kështu, Inter duket i vendosur me shpatulla pas murit dhe thjesht i duhet të pranojë këtë situatë. Por, italianët kanë vendosur të reagojnë dhe të kundërpërgjigjen ndaj spanjollëve.
Zikaltërit kërkojnë Antoine Griezmann në këmbim të Lautaros, një lojtar që ka pëlqimin e Antonio Conte. Nga ana tjetër, francezi nuk ka funksionuar te Barcelona dhe në këtë formë katalanasit mund të jenë të hapur drejt këtij propozimi.
