Inter dhe Mourinho në garë për yllin kroat

Manchester United dhe Inter kanë vënë në shënjestër kroatin e Real Madrid, Mateo Kovacic, pasi ky i fundit nuk është më në planet e Zinedine Zidane, raporton “The Mirror”. Kroati kërkon më shumë hapësira, gjë të cilën nuk po e gjen tek madrilenët dhe dy ekipet kanë filluar një “luftë’ për të siguruar shërbimet e tij.

Inter është në avantazh pasi e ka pasur në ekip lojtarin dhe Kovacic është i dashuruar me ngjyrat zikaltër. Ai preferon të rikthehet në Itali dhe të ketë një shans të dytë për të marrë në dorë mesfushën e Interit pas dy sezonesh. 23-vjeçari ka luajtur 15 ndeshje në këtë sezon dhe ka dhënë një asist. Vlera e tij në treg është 25 milionë euro.