Ndërsa e gjithë media vendase ka si agjendë ditore çështjen Habilaj-Tahiri, shumëkush kërkon të dëgjojë sa më shumë fakte dhe opinione për të. Për realitetin tonë nuk është e pazakontë që për të tilla çështje të flasin dhe ambasadorët e huaj. Ndërsa shumica prej tyre presin një reagim të ambasadorit amerikan Donald Lu, një tjetër ambasador.
Ambasadori i Britanisë në Shqipëri, Norman Duncan i njohur për deklarata e tij të forta për situatat politike në Shqipëri, nuk ka pranuar të komentojë skandalin më të fundit ku pretendohet lidhja e politikës me trafikun e drogës. I pyetur për këtë Norman Duncan nuk ka folur për këtë skandal por nuk ka nguruar të flasë. Shqetësim i madh në Britani mbetet përfshirja e shqiptarëve në trafikun e drogës dhe krimin e organizuar.
Ambasadori britanik nuk ka pranuar të komentojë përgjimet e fundit në dosjen e drejtësisë italiane dhe ku pretendohet lidhja e politikës me krimin, por ka thënë se në vendin e tij mbetet ende i madh numri i shqiptarëve që merren me aktivitete kriminal. I pyetur nga mediat Duncan tha se sfidë mbetet sekuestrimi i aseteve të siguruara nga aktiviteti kriminal.
“Më shumë se 600 shqiptarë janë në burg në Britaninë e Madhe, dhe shumica për trafikim droge. Situata është shqetësuese. Rreth 60% e shqiptarëve që vijnë në vëmendje të autoriteteve britanike, vijnë nga rrethe të Shqipërisë, Kukësi, Dibra dhe Shkodra, zona që përbëjnë 15% të popullsisë së vendit,” thotë Duncan.
Ambasadori risolli në vëmendje faktin se një pjesë e mirë e të ardhurave të përfituara nga trafiqet e paligjshme janë investuar në Shqipëri. Ndaj diplomati britanik thekson bashkëpunimin mes dy vendeve për sekuestrimin e aseteve të krimit mbetet i rëndësishëm.
“Kemi pasur bashkëpunim me autoritetet shqiptare për sfidat e përbashkëta. ne po punojmë Ministrinë e Brendshme dhe pjesë të tjera të qeverisë në projekte bashkëpunimi e mbështetjeje. Në mars kur ministri i Sigurisë Ben Ëallace u takua me ministrin e Financave dhe diskutoi për sekuestrimin e aseteve të krimit dhe ndihmën që mund të japë Britania e Madhe,” thotë ambasadori britanik.
Londra zyrtare ka mbështetur në vazhdimësi reformën në Drejtësi, dhe tashmë po pret rezultate në zbatimin e Vettingut, sa kohë që ekonomia dhe lufta ndaj krimit janë sfida të përbashkëta.
