Instituti i Statistikave ka publikuar raportin “Statistikat e Transportit” për muajin gusht 2017, ku volumi i mallrave të ngarkuara/shkarkuara në porte, në muajin është 300 mijë ton. Krahasuar me muajin gusht të një viti më parë, ky tregues është ulur me 9,3%.
Ndërkohë, për sa i përket tetëmujorit të 2017-ës, volumi i mallrave të ngarkuara/shkarkuara në porte është 2 milion e 619 mijë ton, duke u rritur me 6,9%, krahasuar me të njëjtën periudhë të vitit 2016.
Shumica e këtyre mallrave janë ngarkuar/shkarkuar në portin e Durrësit, i cili zë 88% të të gjithë mallrave të ngarkuara/shkarkuara në të gjitha portet.
Volumi i mallrave të transportuara me hekurudhë është 2,1 mln ton-kilometër, duke u rritur 95,7 %, krahasuar me gusht 2016.
Në tetëmujorin e 2017, ky volum është 16 mln ton- kilometër, duke u rritur me rreth 2.5 herë, krahasuar me të njejtën periudhë të vitit 2016.
Në muajin gusht 2017, volumi i mallrave të transportuar me ajër është 189 ton, duke u ulur 3,6 %, krahasuar me gusht 2016.
Në tetëmujorin e 2017, me ajër janë transportuar 1.478 ton mallra, duke u rritur 2,5 %, krahasuar me tetëmujorin 2016.
Eksporti/Importi i mallrave sipas mënyrës së transportit
Në gusht 2017, vlera e mallrave të tregtuara (eksport dhe import) është 68 mld lekë dhe 47,8 % e tyre u transportua me det.
Eksportet e mallrave
Në gusht 2017, mallrat e eksportuara me det zënë 56,0 %, me rrugë 42,7 % dhe me ajër 0,8 %.
Mallrat e eksportuara me rrugë, në gusht 2017, janë rritur me 30,6 % dhe me det janë rritur 2,1 %, krahasuar me gusht 2016.
Gjatë tetëmujorit 2017, mallrat e eksportuara me det zënë 62,9 %, me rrugë 35,7 % dhe me ajër 0,5 %.
Mallrat e eksportuara me rrugë, në tetëmujorin 2017, u rritën 26,5 % dhe me det u rritën 8,7 %, krahasuar me të njejtën periudhë të një viti më parë.
Importet e mallrave
Në gusht 2017, mallrat e importuara me det zënë 44,8 %, me rrugë 45,4 % dhe me ajër 2,5 %.
Mallrat e importuara me det, në gusht 2017, janë ulur me 3,8 % dhe me ajër janë ulur me 50,1 %, krahasuar me gusht 2016.
Gjatë tetëmujorit 2017, mallrat e importuara me det zënë 49,6 %, me rrugë 44,2 % dhe me ajër 2,8 %.
Mallrat e importuara me hekurudhë, në tetëmujorin 2017, janë rritur 63,6 % dhe me ajër janë ulur me 13,1 %, krahasuar me të njëjtën periudhë të një viti më parë.
Mallrat kryesore të eksportuara sipas mënyrës së transportit
Pesë grup-mallra, sipas Nomenklaturës së Tranportit (NST 2007), kanë kontribuar me 76,5 %, në vlerën e mallrave të eksportuara në muajin gusht 2017.
Mallrat kryesore të importuara sipas mënyrës së transportit
Pesë grup-mallra, sipas Nomenklaturës së Tranportit (NST 2007), kanë kontribuar me 64,6 % të vlerës së mallrave importuar gjithsej në muajin gusht 2017.
