Kristiano Ronaldo ka pësuar një lëndim të pazakontë, dhe rrezikon të humbasë ndeshjen e parë të Portugalisë në Ligën e Kombeve kundër Kroacisë.
Mësohet se ylli i Juventusit dhe kapiteni luzitan ka marrë infeksion në gishtin e madh të këmbës së djathtë.
Për të shëruar infeksionin, ai ka marrë medikamente. Pavarësisht lëndimit, ai ka vijuar të stërvitet në palestër, por gjasat janë që trajneri Fernando Santos të mos e aktivizojë për ndeshjen me nënkampionët e botës, Kroacinë, takim që luhet ditën e shtunë.
