India ka ndërtuar një “semafor të zgjuar” për të ndëshkuar ndotjen akustike për shkak të borive. CNN raporton se India ka ndërtuar një semafor të ri i pajisur me teknologjinë më të fundit, i cili do të zgjasë numërimin me të kuqe në rast se makinat fillojnë t’i bien borive.
Sherret në semaforë dhe zhurmat e prodhuara nga makinat që i bien borive njëkohësisht ka prodhuar një ndotje të jashtëzakonshme akustike në qytetet kryesore, shprehen autoritetet vendase të Mumbait.
Testi i parë për këtë lloj të ri semafori u bë gjatë muajit dhjetor. Pas aplikimit të këtij semafori në disa prej kryqëzimeve kryesore, ekspertët dalluan një rënie të ndjeshme të ndotjes akustike në krahasim me semaforët aktualë.
Në rast se semafori dallon ndotje zhurmash mbi 85 decibel, numërimi risetohet dhe semafori qëndron i kuq deri në disipliminin e zhurmës. Pritet që pas Mumbait, semafori të aplikohet edhe në qytetet e tjera, e mbase mund të kthehet në një trend global së shpejti.
Horn not okay, please!
Find out how the @MumbaiPolice hit the mute button on #Mumbai’s reckless honkers. #HonkResponsibly pic.twitter.com/BAGL4iXiPH— Mumbai Police (@MumbaiPolice) January 31, 2020
