Në ditën e parë të protestës së studentëve për këtë vit, një incident është shënuar teksa të rinjtë po marshonin drejt qendrës së Tiranës.
Një makinë ka tentuar të çajë turmën e studentëve, të cilët po marshonin në kryqëzimin e ‘Vasil Shantos’. Sakaq, drejtuesi i mjetit është justifikuar me faktin se kishte një urgjencë, dhe duhej të kalonte turmën.
Po kështu raportohet se një prej studentëve është lënduar në këmbë, teksa makina ka insistuar të kalojë turmën.
