Ditën e sotme, në Tiranë u inaugurua shtëpia e re e drejtësisë. Godina që do të ketë vendndodhjen e saj te ish-Fusha e Aviacionit, e ku do të vendoset Këshilli i Lartë i Prokurorisë, Këshilli i Lartë Gjyqësor dhe Shkolla e Magjistraturës. Kjo godinë do të emërtohet si “Poli i Drejtësisë”.
Në ceremoninë e inaugurimit, e cila u zhvillua sot në 3-vjetorin e miratimit të reformës në drejtësi, morën pjesë shumë personalitete, si e ngarkuara me punë e SHBA-ve në Tiranë, Leyla Moses-Ones, shefja e ONM-s Genoveva Ruiz Calavera, ministrja e Drejtësisë Etilda Gjonaj si dhe drejtuesit e KLP, Gent Ibrahimi, KLGj dhe Magjistraturës.
Afro 270 persona si pjesë e administratës së KLP-së, KLGJ-së dhe Shkollës së Magjistraturës do të akomodohen në këto ambiente.
