Kryeministri Edi Rama në inaugurimin e i bulevardit të ri tha se politikanët nuk janë të gjithë njëlloj sepse më parë këtu ku është hapur bulevardi i ri ishte një vend me ferra dhe baltë.
“N.q.s të gjithë politikanët do të ishim njësoj ne nuk do të ishim këtu sepse ky vend do të ishte me ferra dhe me baltë. Meritat për këtë vepër tjetër fantastike i takojnë lali Erit dhe ekipit të tij. Atë kryetar bashkie e bëri vota. E vërteta është ndryshe dhe për politikën. Modë te thuash që politikanët janë të gjithë njëlloj. Politika ka nisur që tu japi njerëzve mundësi që të bashkohen së bashku e që të bëjnë gjera të mira që të vetëm nuk i bëjnë dot. Politika mund të bëjë dhe shumë keq kur bie në duar të gabuara. Asgjë nuk është njësoj, zgjedhjet nuk janë për tu neglizhuar. Ka njerëz që kanë ëndërruar dhe përtej këtyre kufijve ka akoma vende që ëndërrojnë të kenë të drejtën e votës.
Me votën nuk mund të bëjmë tifozllëk si me skuadrën e futbollit. Vetë populli i jeton si pasoja për mirë apo për keq për katër vjet pasojat e votës së tij. Demokracia nga sheshi nisi.
Ju them dritëshkurtërve që janë kapur pas atyre dritëshkurtërve që kapen pas rilindjes urbane se ka shumë vende që i kanë këto vepra urbane por ashtu kanë dhe probleme me ushqyerjen e popullsisë.
Sot Tirana është shumë herë me e gatshme për të bërë biznes. Kjo është baza për një të ardhme pa kthim”, tha Rama.
Kryebashkiaku Veliaj: Ne kemi nevojë për këtë mbështetje edhe në dy vitet që do vijnë edhe në vitet e tjera që puna në Tiranë të mos ndalojnë, të mos përsëritet historia e bllokimeve. Ne na duhet mbështetja e Edi Ramës për të përfunduar 17 shkolla të tjera, terminalin perëndimor, kopshtin botanik. Tirana nuk ka kohë për të humbur. Nëse mendoni se Tirana është qytet më i mirë na jepni mundësi për të vijuar punën duke votuar numrin 2.
