Bashkia e Tiranës ka nisur projektin për rehabilitimin hyrjes dhe varrezave të Sharrës.
Megjithatë, duket se bashkia ka hasur në vështirësi për sa i përket lirimit të trotuareve dhe rrugëve të zëna, pasi individë dhe tregtarë të ndryshëm kanë vijuar të mbajnë të zaptuara hapësirat publike, duke u bërë shpesh herë pengesë për vijimin e punës.
Kështu, Inspektorati i Mbrojtjes së Territorit dhe Policia Bashkiake kanë ndërhyrë për të liruar hapësirën që duhet për realizimin e plotë të këtij projekti.
Më poshtë pamje nga aksioni i Inspektoratit të Mbrojtjes së Territorit dhe Policisë Bashkiake për prishjen e objekteve që janë bërë pengesë për realizimin e projektit “Rehabilitim i varrezave të Sharrës dhe lidhja me rrugën ekzistuese”.
