Moderatorja sportive, Ilda Bejleri ka komentuar për herë të parë deklaratën e Mustafa Nanos, i cili tha se ajo së bashku me moderatoren Zemani, nuk u përshtateshin formateve, por visheshin si vulgare.
E ftuar në emisionin “Wake Up”, Bejleri tha se fjalët e Mustafa Nanos kanë qenë të qëllimshme dhe personale, por ato nuk i kanë dhënë asnjë ndjesi, pasi ai s’është as Chanel as Karl Lagerfeld.
“Fotot që kishte nxjerrë s’kishin asnjë lidhje me emisionin e asaj dite. Ishin të tre viteve më para. Janë disa gjëra që kur je pjesë e medias duhet t’i pranosh dhe t’i injorosh.
Mendoj që është diçka personale, që një njeri e ka të qëllimshme. Në botën e showbizit ku jetojmë ka aq njerëz me të cilët mund të merresh, këngëtarë apo aktorë. Pa fyer askënd, por besoj se ne si pjesë e sportit dhe pjesës së medies nuk krahasohemi fare me disa fusha të tjera të artit. Edhe në Itali po të shohësh jam më e veshur se gazetaret atje”, është shprehur moderatorja e njohur.
