Akademiku Artan Fuga në pothuajse çdo reagim të tij publik fajëson ligjin e arsimit të lartë si ‘murtaja’ që ka shkatërruar universitet publike në vend. Ai edhe një herë u bën thirrje studentëve protestues që të jenë të vëmendshëm dhe të kërkojnë rrëzimin e këtij ligji.
Sipas Fugës, ata të protestojnë sa të duan, por nëse nuk kërkojnë rrëzimin e ligjit të arsimit të lartë, ata nga vuajtës do të jenë bashkëfajtorë të së keqes së madhe që i pret në të ardhmen universitet publike të Shqipërisë.
Reagimi
Nga vuajtës në bashkëfajtorë
—————————-
Studentët po nuk kuptuan që e gjithë e keqja është ligji për arsimin e lartë ku mblidhen të gjitha baktacillëqet, poshtërsitë, mashtrimet, gabimet, stagnacioni, mizerabiliteti i diplomave, papunësia e të diplomuarve, korrupsioni, banaliteti, mediokriteti, nuk kanë kuptuar asgjë !
Po asgjë fare!
Dhe që nga ky moment ata do të bëhen bashkëfajtorë me të gjithë ata që e konceptuan dhe e imponuan, dhe ata që e pranuan atë ligj!
Janë ditë që ata nga viktima do të shndërrohen në bashkëfajtorë!
Le të bërtasin sa të duan, të rrinë në të ftohtë, të fishkëllenjtë, të bëjnë fjalim të bukura përballë kujtdo, nuk vlejnë!
Do të quhen më vonë nga pasardhësit e tyre si thjesht alibira!
Alibira!
Ne nuk jemi budallenj! – tha vajza në Vlorë!
Po !
Drejt!
Por, përse po tregohen budallenj kur nuk janë, sigurisht! Do të vazhdojnë t’i tallin, t’u marrin jetën, t’i trajtojnë si skllevër, t’u marrin hakun pak më vonë, t’u thonë se kërkesat e tyre i firmosin dhe i realizojnë pikërisht ata që i kanë bërë budallenj deritani, me mendimin e kujdestarit te “Lulëkuqe mbi mure” :
Ik, ik, po prapë këtu do të vish qerrata!
