Shpëtim Idrizi duket se ka thyer heshtjen, duke argumentuar me detaje pse PDIU-ja vendosi që të kalojë në opozitë. Ai ka thënë se arsyeja pse u bashkua me PS, ishte fakti se Rama i mëshoi faktit për çështjen çame. “Për herë të parë, një kryeministër artikuloi për çështjen çame. Për këtë arsye kaluam me Partinë Socialiste”.
Ndodhur në kushte, ku arsyeja më madhore nuk gjeti mbështetje, ai e pa të udhës që të ndryshonte drejtim.
Idrizi tha më tej në një intervistë në “Top Show” se “Çështja e Çamërisë nuk ishte në program në mandatin e dytë, dhe që nga ai moment, ne ishim në opozitë. Në program kishte vetëm timon e tepsi”.
“Nuk ka burrë nëne që ta përdorë njeri çështjen çame si tepsi. Si mundet që Ditmir Bushati nuk na pret për të diskutuar çështjen çame? Me një shtet si Greqia që nuk njeh as Çamërinë dhe as Kosovën, nuk mund të bëhet marrëveshje e partneritet strategjik”, deklaroi Idrizi.
