Georgina Callander është viktima e parë e identifikuar në sulmin terrorist në Manchester të Anglisë.
Adoleshentja është një 16-vjeçare, e cila para se të merrte pjesë në koncert kishte shkruar se ishte shumë e lumtur që do e shihte këngëtaren Ariana Grande duke performuar live.
Ajo u përshkrua nga një shoqe e saj si “një vajzë e bukur me një zemër dhe shpirt të mirë, e cila do i mungojë shumë”.
Dikush tjetër shkroi: “U prehsh në paqe Gina. Të dua shumë, ti meriton botën dhe shumë më shumë. Jam shumë me fat që të njoha”.
22 njerëz, duke përfshirë disa fëmijë, u vranë në një sulm kamikaz në “Manchester Arena”, mbrëmjen e së hënës.
