Icardi tregon arsyen pse Sampaoli e la jashtë kombëtares

Kapiteni i Interit, Mauro Icardi, është lënë jashtë grumbullimit të kombëtares së Argjentinës nga Sampaoli. Por ky fakt duket se nuk e ka shqetësuar aspak bomberin zikaltër, i cili këtë javë ka shënuar katër gola, po ashtu ka arritur shifrën e 100 golave të shënuar me fanellën e Interit. Icardi është takuar me tifozët zikaltër pranë dyqanit zyrtar të klubit në qendër të Milanos. Këto kanë qenë fjalët e tij për “Argnentina Football”:

“Kam folur me Sampaoli-n. E dija se nuk do të grumbullohesha me Argjentinën. Kam qenë i dëmtuar për katër ndeshje dhe kjo është arsyeja e vetme pse u zgjodhën të tjerë”, ka thënë kapiteni i Inter.

Mauro Icardi është duke kaluar një formë mjaft të mirë tek zikaltërit dhe kjo ka bërë që Sampaoli ta ftojë në miqësoret që lamë pas, por këtë herë duket se ka zgjedhur lojtarë të rinj për shkak të dëmtimit që e la Mauriton për 1 muaj jashtë fushës së lojës. Legjenda e Argjentinës Maradona e ka kritikuar shumë trajnerin e “albiçeleste” për grumbullimin e Icardit, por duket se kjo nuk do të ndikoje tek zgjedhjet e tij dhe Icardi mund të jetë në Rusi. Sulmi i Argjentinës është i mbipopulluar nga lojtarë të talentuar dhe kjo do të krijojë shumë debat pas zgjedhjeve të trajnerit Sampaoli se me kë do të udhëtojë drejt Botërorit.