Kapiteni i Inter, Mauro Icardi ka mbajtur premtimin e dhënë për shokët e ekipit. Sulmuesi argjentinas sezonin e kaluar realizoi 29 gola në Seria A me fanellën zikaltër. Ai pati premtuar se do të shpërblente bashkëlojtarët e tij për shkak se e kishin ndihmuar të shpallej golashënuesi më i mirë në kampionat.
“Unë nuk kam për ta harruar asnjëherë këtë arritje. Por nuk doja që këtë gëzim ta ndaja i vetëm, pasi pa ndihmën tuaj nuk do të ishte e mundur”. Këto janë fjalët në “Instagram” nga Mauro Icardi, i cili falënderoi të gjithë shokët e tij për titullin e golashënuesit më të mirë të fituar sezonin e kaluar.
Orët e çmuara u dorëzua vetëm disa orë përpara ndeshjes kundër Tottenham, në raundin e pestë të fazës së grupeve të Ligës së Kampionëve. Në total, 34 orë me një cmim prej 5mijë euro për një total prej 170mijë euro. Të gjithë të mahnitur përvec Wanda Nara: “Mua nuk më dhuroi asgjë” ishte komenti i gruas së Icardit.
