Zlatan Ibrahimovic nuk e fsheh dëshirën për të riveshur sërish fanellën me ngjyrat kuqezi. Përmes një deklarate për mediat dhënë së fundmi, ai është shprehur nuk është më një sekret rikthimi i tij tek Milani, ku ka kaluar një periudhë mjaft të mirë pas largimit nga skuadra e Barcelonës.
“Dëshira për Milanin nuk është më një sekret. Për një rikthim të mundshëm, unë nuk them jo, por do të shohim. Ata më trajtuan mirë, kur erdha pas një trishtimi nga Barcelona duke më rikthyer përsëri buzëqeshjen.
Arritëm që të fitonim trofe dhe unë u shpalla golashënuesi më i mirë. Ishte një klub i madh, me një atmosferë fantastike. Aty ishte ende garda e vjetër, lojtarë të pabesueshëm me të cilët kam pasur fatin për të luajtur, dhe të fitojë.
Kam kaluar dy vite shumë të bukura. Nuk do të doja të ikja, por pastaj përfundova tek Paris Saint Germain”, ka thënë ai.
