Zlatan Ibrahimoviç i ka dhënë një mesazh të qartë sulmuesit të Anglisë, Harry Kane. Në një intervistë për “Bethard”, gjiganti suedez ka këshilluar yllin e Tottenham se nëse dëshiron të fitojë diçka dhe të mbahet mend atëherë ai duhet të bashkohet me një skuadër të madhe.
“Kane është një sulmues i mirë dhe që po rritet vazhdimisht, por, me gjithë respektin maksimal që kam për Tottenham, tjetër gjë është të bësh mirë në një klub normal dhe tjetër gjë është të bësh të njëjtën gjë në një klub të madh. Nëse dëshiron të fitojë diçka, duhet të lërë Tothenham dhe të luajë në një klub të madh.
Futbollistët mbahen mend për atë që kanë fituar në karrierë dhe Kejn e ka të nevojshme ta bëjë këtë gjë. Totenham është një skuadër e mirë, por jo në nivelin për të fituar gjithçka, edhe pse ka një trajner fantastik si Pochettino”,–ka thënë sulmuesi i njohur suedez, Ibrahimoviç.
