Bayern Munich është duke menduar për të ardhmen dhe është duke investuar në lojtarë të rinj për ti rritur në akademinë e tyre. Së fundmi ata i kanë dhënë shumë prioritet akademisë, pasi kanë afruar edhe Miroslav Klosen. Bavarezët së fundmi kanë bërë një goditje e cila duket se premton një të ardhme të madhe dhe ai quhet Adrijon Ibrahimoviç.
Lojtari është vetëm 14 vjeç dhe ka ardhur nga skuadra U-14 e Nurenbergut, me shpresën që shumë shpejt të shpërthejë dhe ti japë frytet në të ardhmen. Drejtuesit shpresojnë që lojtari të ketë fatin e David Alaba apo Tomas Myler që gjithashtu kanë qenë pjesë e akademisë, përpara se të shndërroheshin në lojtarë të mëdhenj, siç janë sot.
Adrijoni nuk ka asnjë lidhje me Zlatan Ibrahimoviç që është rritur në Suedi. Djaloshi ka lindur në Gjermani dhe është rritur po aty. Drejtuesit bavarezë duket se kanë bërë një lëvizje të zgjuar, duke avancuar më tej me projektin e tyre për të rritur sa më shumë talente në skuadrat e moshave, ku së fundmi kanë afruar edhe ish-lojtarin bavarez, Miroslav Klose.
