Mesut Ozil pasi dha dorëheqjen nga kombëtarja gjermane ka marrë shumë lavdërime nga Turqia. Kanë qenë mediat ato që shkruajnë pa pushim dhe reagime të njerëzve me pozitë që e përkrahin. Por nuk mund të mungonte edhe një reagim i personazhit që e shkaktoi gjithë këtë rrëmujë, presidentit Recep Tayyip Erdogan.
29-vjeçari ka marrë një telefonatë nga presidenti turk dhe këtë e ka konfirmuar vetë 64-vjeçari, i cili tha të martën për Ankara: “I kam telefonuar mbrëmë. Sjellja e tij është patriotike dhe kombëtare. Ia puthsha sytë. Unë e përkrah Mesutin për komentet e tij. Gjermanët nuk mund ta pranonin foton tonë”.
Ozil u vërshëllye nga tifozët dhe u kritikua ashpër nga politikanët dhe Federata Gjermane e Futbollit, për atë foto me presidentin turk në Londër. Pas disa javësh heshtje, ai deklaroi se tërhiqet nga ekipi kombëtar gjerman, duke sulmuar mediat dhe Federatën Gjermane të Futbollit për racizëm.
Gazetat e afërta me Erdoganin e kanë vlerësuar fort futbollistin turko-gjerman. Gazeta konservatore Karar shkruante: “Ti nuk je vetëm, djalosh trim”
