India rrezikon organizimin e ngjarjeve të mëdha botërore si Olimpiada apo Lojërat aziatike, pasi nuk ka lejuar boksieren kosovare, Donjeta Sadiku të marrë pjesë në Kampionatin Botëror të Boksit të AIBA-s. Komiteti Olimpik i Azisë (ZÇK) ka folur me tone të ashpra për këtë vendim që është marrë nga India.
Kryetari i ZÇK-së Shejh Ahmed Al-Fahad Al-Sabah i shkroi Ministrit të Sportit dhe Presidentit të Shoqatës Olimpike Indiane, duke thënë se mohimi i vizave “hodhi dyshim” mbi pranueshmërinë e Indisë për pritjen e ngjarjeve të ardhshme ndërkombëtare sportive dhe se ishte detyrë e çdo komiteti organizues për të siguruar hyrjen e “çdo atleti që merr pjesë në një kampionat të madh pa diskriminim”. Nga ana e saj, AIBA kërcënoi se do ta rishikonte marrëveshjen që kishte me Indinë për organizimin e Kampionatin Botëror të Boksit të AIBA-s 2021.
Kjo çështje nuk ka të bëjë thjeshtë me faktin se është Kosova, por kjo ka të bëjë me një parim të vjetër dhe të ruajtur me fanatizëm që ka India: atë të sovranitetit dhe respektimin e integritetit territorial.
India nuk e ka njohur pavarësinë e Kosovës dhe nuk ka qenë në mbështetje të krijimit të këtij shteti. Kjo lidhet edhe me problemet ka pasur historikisht me Pakistanin për zonën e Kashmirit, për të cilin janë zhvilluar disa luftëra.
Zëdhënësi i MEA në 2008, Ajay Swarup, tha në një intervistë për një gazetë serbe menjëherë pasi Kosova shpalli pavarësinë se Kosova “mund të vendosë një precedent shumë të rrezikshëm për raste të ngjashme në të gjithë botën”, sipas B92.
Një arsye tjetër për mos njohjen e Kosovës është miqësia e Indisë me Rusinë. India dhe Rusia kanë mbajtur një marrëdhënie të ngushtë gjatë Luftës së Ftohtë e deri në ditët e sotme. Për Rusinë, Serbia është gur themeli i ambicieve të saj për të ringjallur një perandori. Për arsye të ngjashme me Indinë dhe sepse Serbia është thelbësore për interesat ruse në rajonin e saj, Rusia gjithashtu ka refuzuar të njohë pavarësinë e Kosovës. TIRANA TODAY
