“I thashë Sampaolit që Icardi është numri 9 më i mirë që Argjentina”

Largimi i trajnerit Jorge Sampaoli nga stoli i Argjentinës duket se ka sjellë gëzim tek familja Icardi. Bashkëshortja dhe menaxherja e Mauro Icardit, Wanda është shprehur se largimi i Sampaolit nga stoli ishte më se i drejtë dhe se tani duhet të vijë një trajnerë që të mos ndikohet nga askush për vendimet që duhet të marrë.“Nuk ishte çudi që Mauro nuk u ftua nga Sampaoli, sepse ai e dinte se kishte lojtarë të tjerë që e merituan t’i thoshin lamtumirë Kombëtares duke e luajtur Botërorin e fundit. Argjentina luajti dobët. Për t’i ndryshuar gjërat, na duhet një trajner me karakter i cili nuk e lejon veten të ndikohet kur të marrë vendime. Të gjithë duam që Argjentina të bëhet kampione e Botës. I thashë Sampaolit se Mauro është numri 9 më i mirë që futbolli argjentinas ka. Ai është lider dhe kapiten dhe ka personalitet pozitiv”.- ka thënë Wanda Nara.