Një 32-vjeçar i ka dhënë fund jetës së tij duke u vetëdjegur në makinë. Ngjarja e rëndë ka ndodhur mbrëmjen e djeshme në zonën e Krrabës në Elbasan, në vendin e quajtur “Kryqi”. Armand Mici, u vetëflijua mbrëmë rreth orës 22:30, në rrugën e vjetër. Trupi i 32-vjeçarit nga Elbasani u gjet brenda një makine totalisht të shkrumbuar.
Mici u vetëdogj brenda makinës së tij tip “Volkswagen” me targa AA 273 NU. 32-vjeçari ishte tregtar makinash në zonën e Elbasanit. Trupi i pajetë i tij u gjet i shkrumbuar në sediljen e pasme të mjetit, ndërsa dyert e makinës ishin të hapura.
Armand Mici, 32-vjeç, nuk rezulton të jetë person problematik, dhe nuk ka qenë i dënuar më parë. Sipas policisë, dyshohet se aktin e rëndë të vetëvrasjes ai e ka kryer në kushte të depresionit. Megjithatë hetimet vijojnë për këtë ngjarje, për zbardhjen e plotë të saj.
Njoftimi i policisë:
Në vijim të ngjarjes së ndodhur më datë 04.02.2022, rreth orës 22:30, në vendin e quajtur “Kryqi” në rrugën e vjetër Elbasan – Krrabë ku është djegur një automjet tip “Volkswagen” në brendësi të së cilës ka qenë një person i pa jetë, në vendin e ngjarjes ka shkuar grupi hetimor i cili ka nisur kryerjen e veprimeve hetimore nën drejtimin e prokurorëve të Prokurorisë së Rrethit Gjyqësor Elbasan për sqarimin e të gjitha rrethanave të ngjarjes.
Nga veprimet hetimore të kryera është mundësuar të identifikohet viktima i cili është shtetasi Armand Mici, 32 vjeç, lindur e banues në Elbasan, me kombësi e shtetësi, i pa dënuar.
Gjithashtu nga tërësia e veprimeve hetimore të kryera, është mundësuar të dokumentohet se ky shtetas dyshohet nën efektin e depresionit ka blerë një sasi lënde djegëse benzinë në një pikë karburanti dhe ka realizuar vetvrasjen nëpërmjet vetëdjegies në brendësi të automjetit të tij tip Volkswagen Passat me targa AA 273 NU.
Nga grupi hetimor vazhdon kryerja e veprimeve të mëtejshme hetimore, për sqarimin e çdo rrethane që i shërben hetimit.
