Gjin Gjoni është zgjedhur relator i çështjes së padisë së PD-së në Kolegjin Zgjedhor. Partia Demokratike ankimoi në Kolegjin Zgjedhor për listat e kandidatëve të dorëzuara në KQZ më 29 prill nga partitë politikë. Kolegji Zgjedhor ka përzgjedhur edhe 5 anëtarët që do shqyrtojnë kërkesën.
Pesë anëtarët e Kolegjit të përzgjedhur për ankimimin e opozitës janë Gjin Gjoni, Ridvan Hado, Artur Malaj, Tomor Skreli, Sotiraq Lubonja.
Pse shqiptarët qeshin kur flitet për Gjin Gjonin
Gjyqtari Gjin Gjoni është akuzuar nga ILDKPKI për fshehje pasurie dhe falsifikim dokumentesh, gjithashtu e akuzuar është edhe gruas së tij Elona Çaushi.
Por çështja kundër Gjonit dhe Çaushit është vulosur nga një vendim i Gjykatës së Apelit në Durrës, e cila pasi ka shqyrtuar ankesat e palëve ka arritur në përfundimin që për sa i përket akuzave të drejtuara ndaj bashkëshortëve “fakti nuk ekziston”.
Vetëm se gjykatësit nuk japin përgjigje pse Gjin Gjoni është një milioner pa qenë biznesmen dhe nuk justifikon dot pasurinë e tij. Me sa duket gjykatës nuk i intereson sepse këta të nderuar i shikojnë faktet me syze pa xham dhe sigurisht për ta “fakti nuk ekziston”.