Një ministër në Britani ka dhënë dorëheqjen, pasi ai i kishte dërguar mesazhet erotike dy femrave.
Andrew Griffiths u zbulua se i kishte dërguar 2000 mesazhe dy femrave në zonën e tij zgjedhore.
Për rrjedhojë ai dha dorëheqjen si ministër i biznesit të vogël, të premten në mbrëmje për “arsye personale”, shkruajnë mediat e huaja. Po kështu, përmes një deklarate ai ka kërkuar falje.
Griffiths dorëzoi dorëheqjen në parlament, mbrëmjen e së premtes. Ai tha se do të kërkonte ndihmë profesionale për të trajtuar sjelljen e tij aspak të hijshme.
“Unë nuk kërkoj të justifikoj sjelljen time dhe do të kërkoj ndihmë profesionale për të siguruar që nuk do ndodhi kurrë më”, shtoi ish-ministri.
