Kunati i deputetit të PS-së, Anduel Xhindi, i ka dhënë fund jetës me pistoletë. I ndjeri, i identifikuar si Elsid Isufaj i ka dhënë fund jetës, duke u vetëqëlluar me pistoletë. Ngjarja tronditëse ka ndodhur mesditën e së dielës, në Roskovec të Fierit, ndërsa janë zbardhur detaje të reja rreth viktimës.
I riu rezulton të jetë kunati i deputetit të Partisë Socialiste në qarkun e Fierit, Anduel Xhindi. Më pak se një muaj më parë, Xhindi u martua me motrën të riut, i cili u vetëvra një ditë më parë. Ende nuk dihen shkaqet që kanë çuar të riun drejt vetëflijimit.
Prej kohësh ishte i papunë, siç kanë dëshmuar edhe familjarët për “Panoramën”. Po kështu, ai ishte edhe përdorues i lëndëve narkotike, madje kohët e fundit ai kishte kërkuar ndihmë edhe te psikologët për të hequr dorë.
