Pas prangosjes së 5 persona në lidhje me laboratorin e heroinës në Has, policia ka shtuar bilancin. Burimet zyrtare thonë se është arrestuar edhe një biznesmen turk.
“Xhevit Shuti është kryefamiljari, dhe pronari i shtëpisë ku u gjet laboratori i përpunimit të heroinës.
Ai ka thënë se ka pasur kontakte me një person për të shfrytëzuar ambientin për përpunimin e bimëve medicinale. Por refuzon të thotë emrin e tij. Barushi bënte linjën e elektricitetet.
Në pranga ka rënë edhe një biznesmen turk, i cili rezulton biznesmen në fushën e tekstileve.
Ai kishte njohje me Xhevit Shytin, i cili ka qenë i arrestuar në Turqi për “trafik narkotikësh”. Nesër pritet të dalin para gjykatës 5 të arrestuarit për masën e sigurisë”, tha gazetarja Klodjana Lala.
