Arsen Muskurti i cili vrau vëllanë dhe kunatën në Tiranë, gënjeu policinë për pistoletën, pasi nuk është gjetur në kosh mbeturinash siç autori pretendoi.
Në orët e vona të mbrëmjes ai është marrë në pyetje nga policia dhe prokuroria, ku pasi ka pranuar autorësinë e krimit, ka treguar edhe motivet që e çuan për të kryer aktin e rëndë.
Ndaj dy bashkëshortëve Dritan dhe Nora Muskurti u qëllua me 5 plumba. Në operacionin për kapjen e Arsen Muskurtit mori pjesë edhe RENEA, për shkak të rrezikshmërisë së tij. Ai u prangos rreth dy orë më vonë në zonën e “5 majit” në kryeqytet, së bashku më bashkëshorten dhe djalin, në tentativë për tu larguar drejt Dibrës.
Dy vëllezërit kishin qenë bashkëpronarë të agjencisë së udhëtimeve, por nga janari i këtij viti Arsen Muskurti nuk ishte më ortak në këtë biznes. Dyshohet që problemet e pronësisë së agjencisë së udhëtimeve të kenë qenë shkak për konfliktin mes vëllezërve.
Aktualisht Arsen Muskurti kishte një dyqan parfumesh, shumë pranë me agjencinë e të vëllait. Të dy vëllezërit Muskurti kishin nga dy emra, autori Arsen dhe Hamza, ndërsa Dritani mbante dhe emrin Alban.
