Gjykata ka lënë në burg efektivin Ludian Zaimi, i cili vrau me armën e shërbimit kolegun e tij, Çaush Saliasin në komisariatin numër 3 në Tiranë. Efektivi 25-vjeçar me origjinë nga Skrapari, qëlloi 6 herë me armën e shërbimit kolegun 30 vite më të madh se ai, Çaush Saliasin. Gjatë marrjes në pyetje, efektivi 25-vjeçar ka treguar se prej kohësh bullizohej nga kolegu Saliasi.
“Isha shumë i mërzitur. Prej kohësh më shante dhe këtë gjë e bënte përherë. Në disa raste edhe pa arsye.
Edhe kur të dy ishim në të njëjtin shërbim, më thoshte ‘qorr’. Ishte mbushur kupa dhe në atë çast nuk durova më, pasi kisha akumuluar prej kohësh. Nuk e di çfarë ndodhi më pas”.
