Khabib Nurmagomedov, kampioni i peshave të lehta në UFC, së fundmi ka folur për Mohamed Salah. Ylli rus ka folur me admirim për sulmuesin e Liverpool, duke e përshkruar egjiptianin si një model për t’u ndjekur nga brezat e rinj.
Luftëtari rus dhe egjiptiani janë padiskutim dy nga yjet myslimanë më të mëdhenj sportiv në planet dhe që të dy kanë mbështetje të madhe si nga Rusia dhe Egjipti ashtu dhe nga shumë vende të tjerë, pasi emri i tyre kohët e fund është lakuar shpesh, jo vetëm në media.
Megjithatë, Khabib ka folur për gazetën “Al Itthad” gjatë një udhëtimi për në Emiratet e Bashkuara Arabe, teksa ka falënderuar lojtarin për shembullin që po sjellë për gjeneratat e reja.
“E ndjek atë, por nuk e kam takuar më parë. Është një lojtar i madh. Ne duam shumë modele si ai. Ata pasqyrojnë imazhin e vërtetë të etikës sonë. Unë e ndiej se Allahu është duke qëndruar me të dhe brezat tanë të rinj kanë nevojë për ata që janë si Mohamed Salah për të mësuar përulësinë, pavarësisht sa jeni i famshëm dhe inovativ. Ai është një ikonë që ne duhet ta mbrojmë. Ne vijojmë ta mbështesim, kështu që ai mund të vazhdojë të ketë sukses. E admiroj atë për etikën dhe vlerat që ai përhap çdo ditë në Evropë”, deklaroi rusi.
Kujtojmë që Khabib u shpall kampion bote në Las Vegas, ku triumfojë përballë irlandezit, Conor McGregor, por u bë i njohur edhe për incidentin që ndodhi në fund jashtë oktagonit.
