Vlora është një nga qytetet me kriminalitetin më të madh në vend, teksa ditën e djeshme, qyteti bregdetar u trondit nga një ekzekutim mafioz, ku viktimë mbeti 40-vjeçari Bledar Birçaj.
Përtej këtyre ngjarjeve të rënda, puna e gazetarëve në raportim cilësohet si heroike, por edhe e rrezikshme.
Gazatari i njohur vlonjat Enrik Mehmeti, bëri të ditur se se ka aplikuar prej një viti në polici për të marrë një armë me leje.
I ftuar në emisionin ”Top Talk’’, Mehmeti u shpreh qyteti i Vlorës është i vështirë dhe shumë njerëz janë të pajisur me armë.
I pyetur nëse është kërcënuar nga dikush, Mehmeti tha se në një qytet të vështirë si Vlora, duhet të marrësh masa dhe të kesh mbrojtje.
Enrik Mehmeti: ”Qarkullojnë aq shumë njerëz me armë, ndërkohë që shumë njerëz që i duan në banesat e tyre për sigurinë e tyre. Unë kam aplikuar që vitin e kaluar për një armë dhe policia nuk jep asnjë përgjigje. Ndërkohë që, qyteti është i mbushur me njerëz me armë. Sidomos për gazetarët, ne jetojmë në një qytet të vështirë. të paktën në banesë, duhet të kesh mbrojtje’’.
