Kryeministri Edi Rama ka reaguar për herë të parë për akuzat e homologut kosovar Ramush Haradinaj, se Rama i ka bërë presion në Samitin e Berlinit për heqjen e taksës ndaj mallrave serbe.
I pyetur në emisionin “Opinion„ kryeministri tha se Haradinaj gënjen, por ai thjesht e ka sugjeruar që të pranojë propozimin e Merkel dhe Macron.
“Gënjen! Nuk i kam bërë kurrë presion. Ka pasur një propozim që taksa të mos hiqet, por të pezullohet 4 deri në 6 muaj, në mënyrë që të ndërhynte vet Merkel dhe Macron për fillimin e bisedimeve dhe dialogut mes Serbisë dhe Kosovës. Kjo ishte një mundësi fantastike! I thashë Haradinajt ta pranojë, por asnjëherë ta heqë taksën“, tha Rama.
