Një 36-vjeçar është arrestuar nga blutë e Vlorës, pasi qarkullonte me një armë zjarri pa leje. Policia e Vlorës ka arrestuar në flagrancë shtetasin Edison Rexho, 36 vjeç, pasi posedonte një armë, të cilën e ka hedhur në tokë sapo është pikasur.
“Arrestimi i tij u krye në lagjen “28 Nëntori”, në rrugën pranë vendit të quajtur “Ish-Shtëpia e Oficerave”, pasi në momentin e kapjes në flagrancë, Edison Rexho ka hedhur në tokë një armë zjarri tip automatik model 56, të cilën e posedonte pa leje.
U sekuestrua në cilësinë e provës materiale 1 armë zjarri automatik model 56, 1 krëhër i mbushur me 10 fishekë të kalibrit 7.62 mm, të cilin e mbante pa leje”.
Materialet iu referuan Prokurorisë në ngarkim të tij, për veprën penale “Mbajtja pa leje dhe prodhimi i armëve luftarake, armëve shpërthyese dhe municionit”.
