Davide dhe Victoria Beckham kanë rënë preh e dy sulmeve të njëpasnjëshme grabitjesh, nga një grup i rrezikshëm kriminal i cili është aktiv prej 30 vitesh. Ata janë përfshirë në shumë grabitje, kërcënime dhe vrasje, por asnjëherë nuk kanë përfunduar në burg.
Çifti Beckham dhe katër fëmijët e tyre e kalojnë pjesën më të madhe të verës në fermën e tyre në Soho me vlerë 6 milionë paund, në Anglinë Perëndimore. Ai është vendi i tyre i preferuar dhe shumicat e fundjavave i kalojnë atje. Besohej se ishte një vend i sigurt jo vetëm për shkak të sigurisë që Beckham mbanë rreth vetes, por aty pranë ka një banesë edhe Meghan Markle e Princi Harry.
Gjatë kësaj vere ferma e futbollistit të famshëm është sulmuar dy herë nga grupi kriminal për tu grabitur, por në asnjë rast nuk kanë arritur ta realizojnë. Kamerat e sigurisë kanë kapur tre burra të cilët i afrohen shtëpisë dhe me ndihmën e shkallëve vëzhgojnë nga dritarja para se të sulmojnë.
Por prania e rojeve ua bëri të vështirë në të dyja rastet dhe u detyruan të largohen me shpejtësi. Për këto dy raste është njoftuar edhe policia e cila po heton ngjarjen, por akoma nuk ka nxjerrë asnjë emër për shkak të hetimit. Ndërsa Beckham duket se është ndjerë i pasigurt pas këtyre dy rasteve dhe ka shtuar numrin e rojeve të cilët do të garantojnë sigurinë e familjes së tij. TIRANA TODAY
