Asmer Balili, djali i Astrit Bilali, që u ekzekutua te dera e shtëpisë bashkë me te vëllain e tij Brahimin të shtunën paradite, ka mbërritur këtë mesditën pranë familjes. Asmeri prej disa muajsh ndodhet në burg, ku u arrestua si pjesë e grupit “Bajri”. Në ceremoninë e varrimit ai është shoqëruar nga tre furgonë policie dhe disa makina.
Më herët gjyshi i tij bëri dhe një thirrje dhe lutje për shtetin, për të lejuar Asmerin që të qëndrojë dy ditë pranë familjes për të pritur njerëzit, nën shoqërimin e efektivëve të policisë.
“Asmer Bilali është djali i Astrit Bilalit dhe Asmeri është në burg prej disa muajsh. Ai do të jetë vetëm në varrim por ne kërkojmë që të lihet të paktën dy ditë tek banesa e tij për të pritur njerëzit sepse nuk ka askënd.
Vëllai i tij 23 vjeç është shumë i sëmurë dhe nuk është askush tjetër. Shpresojmë që institucionet të vendosin dorën në zemër dhe të na mirëkuptojnë në kërkesën tonë. I falënderojmë që e kanë lejuar të jetë në varrim por kërkojmë të qëndrojë pak më gjatë, të paktën dy ditë dhe normalisht me prezencën e policisë. Për të tjerat shteti të bëjë detyrën dhe nëse ka bërë diçka mund të dënohet por sot i kërkojmë ta lejojnë të paktën dy ditë që të qëndrojë sepse do dalin dy kufoma nga shtëpia jonë”, tha Fahri Vejuka.
