Ish-deputeti demokrat Arben Imami ka thyer heshtjen duke komentuar situatën aktuale politike. I ftuar në studion e Top Talk, Imami është treguar mjaft i ashpër me Lulzim Bashën, për të cilin ka thënë se “i dha zgjedhjet në tavolinë”.
“Si do të veprojë opozita?! Kemi një gjendje të vështirë. Rrënjët e kësaj gjendje janë zgjedhjet që u dhanë dhe u morën në tavolinë, të dy janë njësoj. As Basha nuk ishte i titulluar për të dhënë zgjedhjet në Tavolinë, e as Rama nuk ishte i titulluar për të marrë zgjedhjet në tavolinë”, tha Imami.
Ish-deputeti u shpreh se njerëzit janë të papërfaqësuar, e opozita e sotme është e dobët në vetvete edhe për këtë fakt, e për këtë arsye Edi Rama vijon të qeverisë me arrogancë.
“Nëse nuk shkojmë në zgjedhje s’do kemi një opozitë të fortë. Si mund të shkojmë në zgjedhje nuk di të jap as unë një përgjigje”, u shpreh Imami.
