Zbardhet dëshmina e 53-vjeçarit Kliti Leka, i cili mëngjesin e sotëm ekzekutoi biznesmenin Niko Goro.
Ai tha se i ka dhënë tokën për ndërtim Goros, por se ky i fundit nuk e ka paguar.
I kam dhënë tokën nuk më ka dhënë lekët. Po ndërton në tokën time”, mësohet të ketë thënë Leka para uniformave blu.
Leka është banues në Tiranë, por është nip në Himarë dhe për këtë tokë pretendon se e ka të trashëguar.
Kliti Leka është nipi i pronarit të tokës ku Niko Goro kishte ndërtuar pallatin.
Një tjetër pistë që po hetohet është ajo e borxheve, pasi mësohet se autori ishte elektriçist dhe i kishte bërë rrjetin elektrik pallatit të Goros, por nuk i ka paguar 70 mijë euro.
Si ndodhi ekzekutimi
Niko Goro, u ekzekutua mëngjesin e sotëm doli nga marketi i motrës së tij e po shëtiste me bashkëshorten, dhe të dyja mbetën të plagosura nga të shtënat.
51-vjeçari është qëlluar me 5 plumba, dhe nuk arriti t’i mbijetojë plagëve.
Kush ishte Niko Goro
Niko Goro ishte një emër i njohur në qytetin e Himarës.
Ai ishte kushëri me kryetarin e bashkisë Himarë, Jorgo Goro.
Goro, përveçse biznesmen në fushën e ndërtimit, kishte një bar-kafe dhe një hotel.
