Çdo ditë e më shumë po evidentohen rastet kur femrat shqiptare, të mashtruara për të ndërtuar një jetë më të mirë jashtë, përfundojnë prostituta. I tillë ishte fati i një nënë të re, e cila e detyronte i dashuri i saj 40-vjeçar për të dalë në rrugë, e për të fituar një shumë të caktuar nga vetë ai.
Ajo kishte mbërritur në Piacenza me të dashurin e saj, për të krijuar një jetë më të mirë. Por ja që planet ishin bërë më herët, dhe ajo ra brenda grackës. Sapo solli në jetë vajzën, i dashuri i saj në bashkëpunim me të tjerë, e nxorën në rrugë që të prostituonte.
Torturat e saj nuk kishin fund, pasi ata i kishin vënë kusht që do të shihte vajzën nëse arrinte që të fitonte 200 euro në natë.
Policia italiane ka gati dosjen në të cilën janë përfshirë së paku 5 persona, edhe 2 të huaj, te cilët njohon si te vetin fëmijen e vajzës shqiptare. Pjesë e dosjes është edhe i dashuri (babai i vërtetë) i cili akuzohet për “shfrytëzim prostitucioni” dhe për “deklaratë të rremë”.
