Babai i vajzës së abuzuar tha se 15-vjeçarja është në gjendje të rënduar psikologjike. Një javë më parë ka tentuar edhe vetëvrasjen. I ati rrëfeu në emisionin “Me Zemër të Hapur” momentin kur e kishte kapur të bijën me ilaçet e tij të tensionit.
“Ka tentuar të vetëvritet para një jave, i kapa ilaçet e mia të tensionit, m’i mori dhe i futi në gojë, donte t’i pinte. Kanë ardhur psikologët, flisnin me vajzën, dhe thanë se do të vinin sërish sot”, rrëfeu i ati i të miturës.
Ish-roja i shkollës ku mësonte minorenia, abuzonte me të. Madje e filmonte dhe e kërcënonte nëpërmjet pamjeve. Pamjet filmike përfunduan në duar të tre minorenëve që abuzuan gjithashtu me 15-vjeçaren. Abaz Doku ka pranuar gjithçka në polici dhe ndodhet pas hekurave.
Djali i 65-vjeçarit ka reaguar më herët në ngjarjen ku u përfshi i ati, dhe është shprehur se është konfrontuar fizikisht me të.
